Presentata in occasione dell’edizione 2015 della Festa di Sant’Antuono a Macerata Campania, l’opera del maestro Giuseppe Bruno rappresenta al meglio uno dei momenti salienti dell’evento antoniano che consiste nell’accensione del cippo di Sant’Antuono e nella benedizione del fuoco.
“Tarantella d”o cippo”
(‘O cippo a Sant’Antuono)
Testo e Musica di Giuseppe Bruno
Gennaio silente e fridde s’appresenta,
nat’anne nuovo sta’ pe’ accummincià.
L’accuminciamme cu ‘na bona ‘nferta,
‘o cippo a Sant’Antuono avimma fà,
‘o cippo a Sant’Antuono avimma appiccià.
Purtate ‘a robba vecchie ca cresce stu falone,
vuttate ‘ncoppe ‘o fuoco ca l’attizza e se ne và.
Na seggia senza pere, nu tavule azzuppate,
cascette svagantate e carte vecchie.
II
Ogni anne a Macerata è devozione,
‘o cippo a Sant’Antuono se addà fà.
Se vottano dint”o fuoco tutte ‘e guaje
e abballano ‘e guagliune ‘ncoppe ‘e carri
‘na musica chiamata pastallessa.
Sparate ‘e tricchi tracche, sunate ‘a pastallessa,
ca sulo ‘na semmana sta ammuina se po’ fà.
Stu popolo se stregne pe’ sta vicino ‘o Santo,
ca tene dint”o core e le vò bene.
III
Facimmela sta ‘nferta a Sant’Antuono,
pe devozione nuje l’avimma fà.
‘O ciuccio ‘e fuoco fuje pè mmiezzo ‘a via
e jette fore ‘o viecchio e porta ‘o nuovo
e jette fore ‘o viecchio e porta ‘o nuovo.
Oje Sant’Antuono nuostro sta ‘nferta t’aimma fà,
aimmo appicciate ‘o cippo e ‘a lampa saglie e vene a te.
Te porta rise e lacreme e tutta Macerata
ca cu stu cippo tene dint”o core.
